Ерейментау ауданында мал ұрылары сотталды

Ағымдағы жылдың сәуір айында Ерейментау ауданы прокуратурасының үйлестіруімен полиция қызметкерлерімен жедел түрде мал ұрлығымен айналысатын 2 тұлға анықталып, ұсталды.

Олар жедел іс-шаралар барысында "Астана-Ерейментау-Шідерті" тас жолы мен Астана қаласындағы "Әлем" базарында бейнебақылау камераларының бейнежазбаларын бақылау арқылы анықталып, онда бұл тұлғалар ұрланған ірі қара мал еттерін сатқан. Сондай-ақ, жедел түрде ұрланған мал сойылған жер табылып, заттай айғақтар алынды.

Сотқа дейінгі тергеп-тексеру барысында аталған тұлғалардың Ерейментау ауданында мал ұрлығының басқа да фактілеріне қатысы бар екені анықталды.

Ұсталғандар кінәсін мойындап, жәбірленушілерге келтірілген шығынды өтеді.

Аудандық соттың 08.05.2025 ж. үкімімен олар ҚК-тің 188-1-бабының 3-бөлігінің 1-тармағы бойынша кінәлі деп танылып, шартты түрде 5 жыл мерзімге бас бостандығынан айыру жазасы тағайындалды.

#ЗАҢменТӘРТІП

Ақмола облысының прокуратурасы