Бурабай ауданының прокуратурасы «Жас Ұрпақ» қозғалысының қатысушыларына арналған экскурсия ұйымдастырды

Жастардың белсенділігін қолдау және олардың қоғамдық маңызы бар бастамаларға қатысуын ынталандыру мақсатында Бурабай ауданының прокуратурасы «Жас Ұрпақ» жастар қозғалысының өкілдеріне арналған танымдық экскурсия ұйымдастырды. Іс-шара Бурабай мемлекеттік ұлттық табиғи паркінің аумағында орналасқан мультимедиалық- интерактивті музейде өтті.

 

Ақмола облысы прокуратурасының бастамасымен құрылған «Жас Ұрпақ» қозғалысы құқықтық ағарту, құқық бұзушылықтардың алдын алу және волонтерлік қызметке белсенді қатысатын жастарды біріктіреді.

 

Экскурсия барысында қатысушылар өңірдің табиғи және мәдени мұрасымен, сондай-ақ заманауи экологиялық және білім беру жобаларымен танысты. Мультимедиалық формат көрмені көрнекі әрі танымды етті.

 

Бурабай ауданының прокуратурасы жастардың құқықтық мәдениетін арттыруға және олардың азаматтық белсенділігін дамытуға бағытталған жобаларды жүзеге асыруды жалғастырады.

#ЗАҢ_және_ТӘРТІП

Ақмола облысының прокуратурасы