Алаяқтық жасағаны үшін 12 жыл жасырынған күдікті ұсталды

2024 ж. 17 қыркүйекте Ақмола облысы прокуратурасының үйлестіруімен Алматы қаласы ПД криминалдық полиция қызметкерлері алаяқтықтың 13 эпизодын жасаған Р. азаматшасын ұстады.

2012ж. маусым айында күдікті Көкшетау қаласында мемлекеттік бағдарлама бойынша пәтер сатып алуға көмек көрсету сылтауымен алдау және сенімін асыра пайдалану арқылы аса ірі мөлшерде ақша қаражатын заңсыз иемденген.

12 жыл бойы күдікті басқа атпен жасырынып, жалған құжаттарды қолданды.

Қазіргі уақытта аталған тұлға тергеу изоляторына қамалды.

Жасалған қылмыс үшін күдіктіге мүлкі тәркіленіп, он жылға дейінгі мерзімге бас бостандығынан айыру жазасы қарастырылған.

 

Ақмола облысының прокуратурасы