Көкшетау қаласы прокуратурасының қабылданған шараларымен баланың құқықтары қорғалды

Балалардың денсаулығы мен білім алуына конституциялық құқықтарын қорғау мемлекеттің басым бағыттарының бірі болып табылады.

Көкшетау қаласының прокуратурасы ата-анасының қамқорлығынсыз қалған балалардың құқықтарының сақталуына тексеру жүргізді.  Осы тексеру қорытындысы бойынша қорғаншылықтағы 9 жасар қыздың ұзақ уақыт бойы сабаққа қатыспағаны және қажетті медициналық көмек алмағаны анықталды.

Қазіргі уақытта қыз бала көптеген аурулармен «Көпбейінді облыстық балалар ауруханасы» ШЖҚ МКК-ға орналастырылды, қамқоршы өз міндеттерін орындаудан шеттетілді.

Прокуратура органдары Білім бөлімімен және жергілікті атқарушы органдармен бірлесіп, балаға психологиялық, материалдық және өзге де көмек көрсету бойынша қажетті шараларды қабылдауда.

Ақмола облысының прокуратурасы