Ақмола облысының прокуратурасы тұрғын үйді заңсыз жекешелендірудің фактілері анықтады

Ақмола облысының прокуратурасы жергілікті әкімдіктердің қызметінде тұрғын үй заңнамасының сақталуына тексеріс жүргізді.

Облыс бойынша тұрғын үйді алуға кезекте 23 мыңнан астам адам тұр. Бұл ретте әкімдіктер соңғы үш жылда 900-ге жуық пәтер бөлді.

Тексеріс барысында тұрғын үйді заңсыз берудің, сондай-ақ тұрғын үй беру негіздері жойылғаннан кейін адамдарды шығармаудың 23 фактісі анықталды.

Мысалы, Көкшетау қаласында тұрғын үйді бюджеттік ұйымның бұрынғы қызметкеріне ұсынылды, ол бұған дейін 2 жыл бұрын пара алғаны үшін сотталған және берілген кезде бас бостандығынан айыру түрінде жазасын өтеуде.

Тұрғын үйді заңсыз жекешелендірудің 2 фактісі анықталды.

Мәселен, аудан орталықтарының бірінде азамат жекешелендіруден жарты жыл бұрын басқа аймақта орналасқан басқа пәтерді сатты. Қадағалау актісі бойынша жекешелендірілген пәтер мемлекетке қайтарылды.

Сондай-ақ коммуналдық тұрғын үйді заңсыз жалға беру, бюджетке 50 млн.теңгеге жалдау төлемдерін төлемеу, табыстарын алдын ала тексермей, аз қамтылған азаматтарға тұрғын үй беру фактілері анықталды.

Қазіргі уақытта заңсыз берілген пәтерлерді қайтаруға бағытталған шаралар қабылданды, олар тұрғын үйге нақты мұқтаж адамдар арасында қайта бөлінеді.

Ақмола облысының прокуратурасы