Қайтарылған қаражат – медицинаны дамытуға

Бас прокуратура қайтарған активтер есебінен Атбасар көпбейінді ауданаралық ауруханасының бас ғимараты мен балалар бөлімшесіне күрделі жөндеу жүргізілді, сондай-ақ магниттік-резонанстық томографты орналастыруға арналған жапсаржайдың құрылысы жалғасуда.

Бас ғимараттың шатыры мен қасбеті жаңартылып, инженерлік коммуникациялар, сумен және жылумен жабдықтау және электрмен жабдықтау жүйелері, сондай-ақ ішкі үй-жайлар жөнделді.

Жөндеу жұмыстары аяқталғаннан кейін стационардың төсек-орын қоры жүз елу төрттен жүз жетпіс екі төсек-орынға дейін ұлғайтылды.

Мамандандырылған медициналық көмек көрсету мүмкіндіктері де кеңейтілуде. Ауруханада эндокринология, нейрохирургия, балалар хирургиясы, урология, нефрология және балалар травматологиясын қоса алғанда, жаңа бағыттар дамытылуда.

Балалар бөлімшесінде кішкентай пациенттерге, олардың ата-аналарына және медицина қызметкерлеріне заманауи, жайлы әрі қауіпсіз жағдайлар жасалды.

Амбулаториялық қабылдауды, профилактикалық тексерулерді, диспансерлік бақылауды және вакцинациялауды ұйымдастыру жақсартылды.

Жапсаржайдың құрылысы аяқталғаннан кейін, МРТ Атбасар қаласының өзінде қолжетімді болады. Бұл диагностиканы күту уақытын қысқартуға, облыстық медициналық ұйымдарға бару қажеттілігін азайтуға және диагнозды уақтылы қоюға мүмкіндік береді.

Заманауи медициналық инфрақұрылым – бұл тек жаңартылған ғимараттар ғана емес, сонымен қатар дәрігерлер үшін жаңа мүмкіндіктер, пациенттер үшін жайлылық және медициналық көмектің қолжетімділігін арттыру.

Ақмола облысының прокуратурасы