Біржан сал ауданындағы нашақорлыққа қарсы акциясы
Степняк қаласындағы орталық кітапхана ғимаратында Біржан сал ауданы прокуратурасының бастамасымен есірткінің алдын алу және салауатты өмір салтын насихаттауға бағытталған «Нашақорлыққа жол жоқ» атты профилактикалық акция өткізілді.
Іс-шараға еріктілер қозғалысының өкілдері, аудандық орталық аурухана және аудан прокуратурасының қызметкері қатысты.
Қатысушыларға есірткі заттарын қолданудың зияны, тәуелділіктің қалыптасу қаупі, сондай-ақ есірткі құралдарының заңсыз айналымы үшін Қазақстан Республикасының заңнамасында көзделген жауапкершілік түсіндірілді.
Жастар арасында нашақорлықтың алдын алуға және медициналық әрі психологиялық көмекке уақтылы жүгінудің маңыздылығына ерекше назар аударылды.