Көкшетау қаласының прокуратурасы Жер күніне орай экологиялық акцияны ұйымдастырып, өткізді

2026 жылғы 17 сәуір - Жер күніне орай, Көкшетау қаласы прокуратурасының үйлестіруімен пробация қызметі бөлімі экологиялық іс-шара ұйымдастырып, өткізді.

Аталған акцияға пробация қызметінің есебінде тұрған адамдар қатысты. Іс-шара барысында әкімшілік ғимараттың іргелес аумағында 15 түп алма ағашының көшеті отырғызылды.

Осындай бастамаларды өткізу қоршаған ортаға ұқыпты қарауды қалыптастыруға бағытталған, сондай-ақ сотталғандардың әлеуметтік бейімделуіне, олардың жауапкершілігі мен құқықтық санасының дамуына ықпал етеді.

Қоғамдық пайдалы қызметке қатысу сотталғандардың мінез-құлқына оң әсерін тигізіп, олардың еңбекке тартылуына ықпал етеді және түзелу процесінде маңызды рөл атқарады.

Ақмола облысының прокуратурасы