Көкшетау прокуратурасы жасөспірімдер арасындағы құқық бұзушылықтардың алдын алу бойынша рейдтер өткізді

Қала прокуратурасы Полиция басқармасымен бірлесіп кәмелетке толмағандар арасындағы құқық бұзушылықтардың, оның ішінде есірткі заттары заңсыз айналымына байланысты қылмыстардың алдын алуға бағытталған рейдтік іс-шаралар жүргізілуде.

Аталған іс-шаралар барысында түнгі уақытта (22:00–6:00) балалардың ата-анасының қадағалаусыз ойын-сауық мекемелерінде болу фактілері анықталды. Балалар анықталып, заңды өкілдеріне қайтарылды.

Кәмелетке толмағандардың ата-аналары ҚР Әкімшілік құқық бұзушылық туралы кодексінің 442-бабы бойынша жауапқа тартылды, айыппұл мөлшері 3 АЕК құрайды. Ал балалардың ата-анасының қадағалаусыз болуына мүмкіндік берген ойын-сауық мекемелері ҚР ӘҚБтК-нің 132-бабы бойынша жауапқа тартылды: жеке тұлғалар — 10 АЕК, шағын бизнес пен коммерциялық емес ұйымдар — 15 АЕК, орта бизнес — 30 АЕК, ірі бизнес — 50 АЕК.

Өткізілетін іс-шаралардың негізгі мақсаты – балалар мен жасөспірімдердің қауіпсіздігін қамтамасыз ету, сондай-ақ олардың құқықтарын қорғау және заңға бағынатын мінез-құлықты қалыптастыру.

Ақмола облысының прокуратурасы