Ақмола облысының прокуратурасында 8 наурыз – Халықаралық әйелдер күніне арналған салтанатты іс-шара өтті

Бүгін, 2026 жылғы 6 наурызда, Ақмола облысының прокуратурасында 8 наурыз – Халықаралық әйелдер күніне арналған салтанатты іс-шара өтті. Оған прокуратура органдарының ардагерлері мен облыстық прокуратураның әйел қызметкерлері қатысты.

Іс-шара барысында Ақмола облысының прокуроры құттықтау сөз сөйлеп, құқықтық тәртіп пен заңдылықты қамтамасыз етуде әйелдердің еңбегі ерекше екенін атап өтті. Ол прокуратура органдарында қызмет атқарып жүрген әйелдердің кәсібилігі мен жауапкершілігін жоғары бағалап, олардың қоғамдағы маңызды рөлін ерекше атап өтті.

Мерекелік іс-шара аясында бірқатар қызметкерлер қызметтік міндеттерін адал әрі үлгілі атқарғаны үшін мемлекеттік және ведомстволық наградалармен марапатталып, сондай-ақ арнайы шендер  мерзімінен бұрын берілді.

 Сондай-ақ жекелеген қызметкерлер Қазақстан Республикасының Бас Прокурорының Құрмет грамоталарымен және облыс прокурорының Алғыс хаттарымен марапатталды.

Іс-шара жылы әрі мерекелік атмосферада өтіп, ресми бөлімнен кейін қонақтарға арналған мерекелік концерттік бағдарлама ұйымдастырылды.

Ақмола облысының прокуратурасы