Степногорск қаласы прокуратурасының бастамасымен сотталғандарды еңбекпен қамтылу мәселесі бойынша дөңгелек үстел өткізілді

Сотталғандардың еңбекпен қамтылу деңгейін арттыру мақсатында қала прокуратурасының бастамасымен «Еңбек-Көкшетау» РМК өкілдерінің, сондай-ақ жұмыс істеп тұрған және әлеуетті кәсіпкерлердің қатысуымен дөңгелек үстел өткізілді.

Іс-шара барысында өнімді өткізу мәселелері, өндірістік қызметті ұйымдастыру және кеңейту шарттары, сондай-ақ кәсіпкерлердің мекемемен өзара іс-қимыл тетіктері талқыланды.

Кездесу аясында ҚАЖ РММ «№4 мекемесінің» өндірістік аймағына аралау ұйымдастырылып, өндірістік ғимараттар мен бос алаңдар көрсетілді, сондай-ақ қолданыстағы өндірістерде пайдаланылатын жабдықтар мен технологиялар таныстырылды.

Қабылданған шаралар кәсіпкерлерді тартуға, өндірістік базаны дамытуға және сотталғандар үшін жұмыс орындарын ұлғайтуға бағытталған.

Ақмола облысының прокуратурасы