Зеренді ауданында «Бүгінгі жастар – ертеңгі көшбасшы» жастар форумы өтті

 «Бүгінгі жастар – ертеңгі көшбасшы» аудандық жастар форумы прокуратураның, әкімдіктің, аудан мәслихатының, Жастар ресурстық орталығының, «Аманат» партиясының, Жастар қанатының қатысуымен өтті.

Форумға спортшылар, волонтерлер, белсенді жастар, «Жас Ұрпақ» жастар бірлестігінің қатысушылары қатысты, бұл шара заманауи, мәдени және жауапты жастарды тәрбиелеу, ұлттық патриотизмді нығайтудың маңызды алаңына айналды.

«Заң және тәртіп» қағидаты аясында жасөспірімдер мен жастардың құқықтық сауаттылығын арттыруға ерекше назар аударылды.

 Жастарға қазіргі қоғамдағы құқықтық сауаттылықты, цифрлық қауіпсіздікті және жеке жауапкершілікті арттыру бойынша құнды білім берілді.

Форумда құмар ойындарға тәуелділік, синтетикалық есірткі тақырыптары қозғалып, алаяқтықтың негізгі түрлері, дропер схемаларының қауіптілігі және олардан қорғану жолдары таныстырылды.

Қорытынды бойынша ерекше көзге түскен жастарға мақтау қағаздары мен сыйлықтар табыс етілді.

Ақмола облысының прокуратурасы