Облыс прокуратурасы студенттермен «Прокурор сағатын» өткізді

Мемлекет басшысының «Заң мен Тәртіп» тапсырмасын іске асыру аясында облыс прокуратурасы А. Мырзахметов университетінің студенттерімен «Прокурор сағатын» өткізді.

«Прокурор сағаты» – оқушылар мен студенттер арасында құқықтық мәдениетті қалыптастыруға, құқықтық сананы арттыруға, сондай-ақ құқық бұзушылық пен жарақаттанудың алдын алуға бағытталған профилактикалық жұмыстың жаңа форматы.

Кездесу барысында студенттерге қауіпсіздік және құқық мәселелері бойынша тақырыптық әрі интерактивті тренингтер ұйымдастырылды.

Іс-шараға 100-ден астам студент қатысты.

Бұл бастаманы жүзеге асыру кәмелетке толмағандар арасындағы құқық бұзушылықтың алдын алу жұмысының тиімділігін айтарлықтай арттырып, жарақат алу деңгейін төмендетуге мүмкіндік береді.

 

Ақмола облысының прокуратурасы