Ақмола облысының прокуратурасында салтанатты іс-шара өтті

Ақмола облысының прокуратурасында Қазақстан Республикасы Конституциясының 30 жылдығына арналған салтанатты іс-шара өтті. Іс-шараға прокуратура органдарының ардагері, адам құқықтары жөніндегі уәкілдің Ақмола облысы бойынша өкілі мен прокуратура қызметкерлері қатысты.

Облыс прокуроры Руфат Құттықов қатысушыларды мерекемен құттықтап, Ата Заңымыздың мемлекеттілігіміздің берік іргетасы, әрбір азаматтың құқықтары мен бостандықтарының кепілі, қоғамдағы бірлік, келісім мен тұрақтылықтың нышаны екенін атап өтті.

Мереке қарсаңында прокуратураның үздік қызметкерлері адал қызметтік міндеттерін атқарғаны үшін грамоталармен, Алғыс хаттармен марапатталды.

Салтанатты шара концерттік бағдарламамен аяқталды.

 

Ақмола облысының прокуратурасы