Мектеп маңдарындағы жол қауіпсіздігі жағдайына мониторинг өткізілді

Жаңа оқу жылының басталуына орай Атбасар ауданының прокуроры аудан әкімімен және аудандық полиция бөлімінің бастығымен бірлесіп, білім беру мекемелерінің маңындағы жол қозғалысы қауіпсіздігінің жағдайына мониторинг жүргізді.

Мониторинг барысында жол белгілерінің және жол сызықтарының жай-күйіне, жаяу жүргіншілер өткелдеріне, көше жарығына, сондай-ақ іргелес аумақтардың белгіленген қауіпсіздік талаптарына сәйкестігіне ерекше назар аударылды.

Аталған іс-шаралар балалардың қатысуымен жол-көлік оқиғаларының алдын алуға және оқушылардың мектепке бару мен қайту кезінде қауіпсіз жағдайларын қамтамасыз етуге бағытталған.

 

Ақмола облысының прокуратурасы