Қазақстан Республикасы Конституциясының отыз жылдығына орай Қосшы қаласының прокуратурасы қала әкімдігімен бірлесіп салтанатты іс-шара ұйымдастырды

2025 жылғы 28-29 тамызда Қазақстан Республикасы Конституциясының отыз жылдығына орай Қосшы қаласының прокуратурасы қала әкімдігімен бірлесіп, қала тұрғындарына және ардагерлер кеңесіне салтанатты кеш ұйымдастырды.

Іс-шараның басты мақсаты - өткен жолымызға шолу жасап, құқықтық мемлекет қалыптастыруда жетістіктерді бағалап, болашаққа жоспарланған міндеттерді бірлікпен атқару.

Қатысушыларды қала прокуроры мерекемен құттықтап, конституциялық құндылықтар, Мемлекеттік биліктің бірден-бір бастауы - халық екені терең түсіндірді. 

Шара барысында заң үстемдігін нығайтуға, қоғамдағы құқықтық сананы дамытуға үлес қосқан белсенді азаматтарға, мемлекеттік, құқық қорғау органдарының үздік қызметкерлеріне және ардагерлер кеңесінің мүшелеріне Алғыс хаттар табыс етілді.

 

Ақмола облысының прокуратурасы