Көкшетау қаласының тұрғыны кәмелетке толмаған қызын ұрып-соққаны үшін сотталды

Көкшетау қалалық сотының үкімімен 9 жасар қызын жүйелі түрде ұрып-соққан «П» есімді қала тұрғыны қылмыстық жауапкершілікке тартылды.

Тергеу барысында «П» есімді азаматша мас күйінде үйде отырып, қызы мектептен кір аяқ киіммен келгеніне наразылық білдіріп, оған дене жарақатын салғаны анықталды.

Сонымен қатар, «П» есімді азаматша өзінің баласын тәрбиелеуден жалтарған.  

Осыған байланысты, қорғаншылық органдарының қорытындысы негізінде «П» есімді азаматша ата-ана құқығынан айырылды.

2025 жылғы 26 маусымда азаматша «П» 100 сағат қоғамдық жұмысқа сотталды.  

Үкім заңды күшіне енген жоқ.

Сонымен бірге, қала прокуратурасы неке (ерлі-зайыптылық) және отбасы, аналық, әкелік және балалық мемлекеттің қорғауында екенін түсіндіреді.

Отбасы-тұрмыстық салада құқыққа қайшы іс-әрекеттер жасау әкімшілік және қылмыстық жауапкершілікке әкеп соғатынын ескертеміз.

Ақмола облысының прокуратурасы