Абай облысында прокурорлар кәмелетке толмағандар арасында профилактикалық медициналық тексерулерді өткізу барысында бұзушылықтарды анықтады

       Жаңасемей ауданының прокуратурасы медициналық мекемелердің балалар арасында профилактикалық медициналық тексерулер жүргізу жұмыстарын ұйымдастырмағанын анықтады.

       2024 жылы Абыралы ауылында 342 бала тексерілмеді, бұл олардың кепілді медициналық көмек алу құқығын бұзды. Сонымен қатар, аудиологиялық скринингке мұқтаж 214 баланың 39-ы ғана тексерілді.

       Нәтижесінде 2024 жылы 517 бала қажетті тексеруден өте алмады.

       Прокуратура кәмелетке толмағандардың конституциялық құқықтарын қорғап, балалар медициналық тексеруден өте бастады, ал аурухана директоры тәртіптік жауаптылыққа тартылды.

       Прокуратура аумақтағы заң үстемдігін қамтамасыз ету және медициналық қызмет көрсету сапасын арттыру бойынша жұмысын жалғастырады.

       Абай облысының прокуратурасы

 

#Заң_мен_Тәртіп

#Әділдік

#Заңүстемдігі