Абай облысында прокурорлар есірткі қылмысымен күрес жұмыстарын жалғастыруда

       Облыс прокуратурасының үйлестіруімен полиция қызметкерлері, әкімдік және волонтерлер арасынан мобильді топтар құрылып, наркограффитиді анықтау және бояу жұмыстарын жалғастыруда.

       Бүгінгі таңда 400-ден астам наркограффити боялып, есірткі, психотроптық заттарды немесе сол тектестерді, прекурсорларды насихаттау немесе заңсыз жарнамалау бойынша ҚК 299-1-бабымен 6 сотқа дейінгі тергеп-тексеру басталды.

       Сонымен қатар, облыс прокуратурасының қызметкерлері бір айдан аз уақыт ішінде облыста есірткі және психотроптық заттарды сату үшін пайдаланған 64 сайт пен «Telegram» – арналарын бұғаттады.

       Абай облысының прокуратурасы тыйым салынған заттардың жарнамасын анықтаған жағдайда 102 арнасына хабарласу керектігін еске салады.

       Абай облысының прокуратурасы

       #Заң_мен_Тәртіп

       #Заңүстемдігі

       #АдалАзамат

       #Жауапкершілік