Абай облысында «Атамекен» ҚР ҰКП Президиумы төрағасы мен облыс прокурорының бизнес-қоғамдастық өкілдерімен кездесуі өтті

       «Атамекен» ҚР ҰКП Президиумы төрағасы Қанат Шарлапаев пен Абай облысының прокуроры Нұрсұлтан Ракишев өңірдің бизнес-қоғамдастық өкілдері — кәсіпкерлер мен инвесторлармен бірлескен кездесу өткізді.

       Іс-шара мемлекеттік органдар мен кәсіпкерлер арасындағы диалогты нығайту, сондай-ақ бизнес құқықтарын қорғаудың қолданыстағы тетіктерін түсіндіру мақсатында ұйымдастырылды.

       Кездесу барысында кәсіпкерлер тарифтерге, инфрақұрылымды дамытуға, экологиялық талаптар мен энергетика саласына қатысты өзекті мәселелерді көтерді.

       Облыс прокуратурасы бизнес субъектілерінің құқықтарын қорғау бойынша қабылданған шараларды, оның ішінде «прокурорлық сүзгі» тетігін таныстырды.

       Қанат Шарлапаев Абай облысы прокуратурасының кәсіпкерлердің өтініштеріне жедел ден қоюы, қабылданған шаралар және ашық диалогқа дайын екендігін атап өтті.

       Нұрсұлтан Ракишев инвесторлар мен кәсіпкерлердің құқықтарын қорғау қадағалау қызметінің басым бағыттарының бірі болып қала беретінін атап өтті.

       Кездесу қорытындысы бойынша прокуратура, «Атамекен» ҚР ҰКП және өңірдің бизнес-қоғамдастығы арасындағы сындарлы өзара іс-қимылды одан әрі дамыту маңыздылығы атап өтілді. Бұл кәсіпкерлердің құқықтық қорғалу деңгейін арттыруға және өңірде бизнес жүргізуге қолайлы жағдай жасауға мүмкіндік береді.

       Абай облысының прокуратурасы

#Әділдік      

#Заңүстемдігі

#ЗаңМенТәртіп