Абай облысында Жол жүрісі ережелерін білуін тексеру емтиханына жіберу кезінде жол берілген бұзушылықтар анықталды

       Семей қаласының прокуратурасы Жол жүрісі ережелерін бұзған жүргізушілерді жол жүру ережелерінің білуін тексеру үшін міндетті емтихан тапсыруға жіберу барысында құқық бұзушылықтарды анықтады.

       ҚР ӘҚБтК-не сәйкес, белгілі бір құқық бұзушылықтарды жасаған жүргізушілер (ӘҚБтК-нің 594, 596, 598, 599 және 600-баптарында көзделген) Жол жүрісі ережелерін білуін растауы тиіс.

       Сонымен бірге, екі ай ішінде емтихан тапсырмау сот шешімімен көлік құралын басқару құқығын тоқтатуға негіз болып табылады.

       Алайда, жауапты полиция қызметкерінің кінәсінен 2024 жылдан бері 14 құқық бұзушы емтихан тапсыруға жіберілмеген.

       Бұл бұзушыларға көлік құралдарын басқаруды жалғастыруға мүмкіндік берген.

       Қадағалау актісі бойынша жауапты лауазымды тұлға тәртіптік жауапкершілікке тартылды, құқық бұзушылар қайта тапсыруға жіберілді.

       Абай облысының прокуратурасы

 

#Әділдік

#Заңүстемдігі