Қауіпсіз қоғамға апарар жол. Абай облысында отбасылық зорлық-зомбылыққа қарсы акция өтті

       «Заң мен Тәртіп» қағидатын іске асыру аясында Семей қаласында «Қазақстан – отбасындағы зорлық-зомбылықсыз ел» атты әлеуметтік акция өтті. Іс-шараны облыс прокуратурасы полиция департаменті және «Елімай» футбол клубымен бірлесіп ұйымдастырды.

       Акцияның жарқын сәттерінің бірі футбол матчы кезінде өткізілген ағартушылық шара болды.

       Отбасылық зорлық-зомбылықтың алдын алу бойынша бейнеролик көрсетіліп, брошюралар таратылды, ал «Елімай» футбол клубының ойыншылары алаңға «Зорлық-зомбылыққа жол жоқ» деген жазуы бар жейделермен шықты. Олар осылайша әлеуметтік бастамаға қолдау білдірді.

       Мұндай акцияларды өткізу — әрбір азамат қорғалып, қолдау таба алатын қауіпсіз әрі салауатты ортаны қалыптастыру жолындағы маңызды қадам.

       Басты мақсат — қоғамның назарын тұрмыстық зорлық-зомбылық мәселесіне аудару, отбасындағы өзара құрмет пен көмектесу құндылықтарын дәріптеу, сондай-ақ азаматтардың құқық қорғау органдарына деген сенімін нығайту.

       Абай облысының прокуратурасы

 

#Заң_мен_Тәртіп

#Әділдік

#Заңүстемдігі