Абай облысында есепте тұрған азаматтар мен олардың отбасыларына қолдау көрсету мақсатында «Пробация LIVE» жобасы басталды

       Мақаншы ауданының прокуратурасы «Пробация LIVE» пилоттық жобасын іске қосты, ол пробация қызметінде есепте тұрған азаматтар арасында қайталанатын құқық бұзушылықтардың алдын алу және олардың туыстарын құқықтық және әлеуметтік тұрғыда ағарту мақсатында жүзеге асырылуда.

       «Пробация LIVE» — есепте тұрған азаматтардың өз өмірлік оқиғаларын видео форматында бөлісетін арнайы айдар. Бұл шынайы әңгімелер дағдарыс жағдайларынан шығудың нақты жолдарын көрсетіп, басқаларға үлгі болады.

       Жобаның басты мақсаты — қатысушыларға тек қоғам тарапынан түсіністік пен қолдау көрсетіп қана қоймай, сонымен қатар нақты көмек — құқықтық, әлеуметтік және психологиялық қолдау көрсету үшін ашық әрі қолжетімді алаң құру.

       Бұл бастама пробациялық жүйені жетілдіру бойынша жүргізіліп жатқан жұмыстардың аясында іске асырылып, рецидивтердің деңгейін төмендетуге, отбасылық байланысты нығайтуға және есепте тұрған азаматтардың сәтті ресоциализациясына бағытталған.

       Прокуратура құқық бұзушылықтардың алдын алу үшін инновациялық тәсілдерді енгізуді жалғастырады, бұл азаматтарды қолдау, бейімдеу және қоғамға толыққанды оралуына мүмкіндік береді.

       Абай облысының прокуратурасы

 

#Әділдік

#Заңүстемдігі