Павлодар қаласында «Jasyl school» экологиялық акциясы ұйымдастырылды

2025 жылғы 10 қазан күні Павлодар қаласында «Жасыл Ел» жастар қозғалысының облыстық штабы республикалық «Таза Қазақстан» акциясы аясында «Jasyl school» экологиялық сабағын өткізді. Іс-шараның мақсаты – өскелең ұрпақтың экологиялық санасын қалыптастыру, жастардың қоршаған ортаны қорғау мәселелеріне қызығушылығын арттыру және «жасыл» бастамаларды ілгерілету.

Экологиялық сабаққа Павлодар қаласындағы оқу орындарының оқушылары мен студенттері, «Жасыл Ел» қозғалысының волонтерлері, сондай-ақ қоғамдық ұйымдардың өкілдері қатысты. Іс-шара барысында табиғатты аялау тақырыбында дәрістер оқылып, интерактивті сабақтар мен пікірталас алаңдары ұйымдастырылды. Олардың барлығы экологиялық мәдениетті дамытуға және экологиялық волонтерлікті насихаттауға бағытталды.

Қатысушылар экологиялық жағдайды жақсарту және қоршаған ортаның тазалығын сақтау ісіне жеке үлес қосу бойынша практикалық қадамдарды талқылады.

Жоба үйлестірушісі Арина Краскованың айтуынша, мұндай іс-шаралар жастардың экологиялық жауапкершілігін арттыруға және азаматтық ұстанымын қалыптастыруға ықпал етеді:

- «Жастар - қоғамның қозғаушы күші. Табиғатты қорғаудың маңызын ерте жастан түсіну және экологиялық бастамаларға белсенді қатысу өте маңызды», — деді ол.

Экологиялық сабақ соңында қатысушылар қоршаған ортаны қорғауға, табиғатты аялауға және өңірдің экологиялық мәдениетін арттыруға бағытталған жобаларды қолдауға символикалық уәде берді.