Таза Қазақстан: Павлодар облысында «Жер байлығы» экологиялық іс-шарасы өткізілді

Ағымдағы жылдың 14 тамызы күні сағат 11:30-да Усолка шағын ауданында «Таза Қазақстан»  республикалық акциясы аясында «Жер байлығы»  экологиялық іс-шарасы өткізілді. Ол белсенді тұрғындарды, жастарды, еріктілер мен экологиялық ұйымдарды  табиғатымыздың байлығын сақтау және көбейту үшін бір мақсатқа  біріктірді. «Жер байлығы»  акциясының атауы табиғи ресурстардың құндылығын және оларды қорғаудың маңыздылығын көрсетеді. Сенбілік Усолка  ауданының жағалау аумақтарында өтті, онда қатысушылар жағалауларды тұрмыстық қоқыстардан, пластиктен, шыныдан және басқа да қалдықтардан тазартты. Бұл жай ғана тазалау емес, экожүйені қорғау және қоршаған әлемге ұқыпты қарау мәдениетін қалыптастыру  мақсатындағы күш біріктірудің символы.

Игілікті іс-шараға жастарды тартуға ерекше назар аударылды. Өскелең ұрпақ үшін мұндай акциялар ортақ іске үлес қосу мүмкіндігіне айналып қана қоймайды, сонымен қатар маңызды сабаққа айналады: табиғатты құрметтеу керек, қоқысты шашпай, өзімен бірге алып кету керек, ал таза экожүйе — болашақ ұрпақтың денсаулығы мен әл-ауқатының негізі. Осында іс-шараға қатыса отырып, жастар жауапкершілікті, экологиялық хабардарлықты және қоршаған ортаның әл-ауқаты әркімнің іс-әрекетіне байланысты екенін түсінуді үйренеді.

«Жер байлығы»  тек экологиялық ғана емес, сонымен қатар әлеуметтік миссияны да атқарды; әртүрлі жастағы және кәсіптегі адамдарды біріктіре отырып, ол өзара көмек пен бірлік атмосферасын құрды, табиғатқа қамқорлық жасау әрқайсымыздың шағын қадамымыздан басталатын ортақ іс екенін еске салды.

Толық ақпаратты @jasylel_pvl әлеуметтік желілеріндегі парақшалардан   және 87002945464 нөмірі бойынша алуға болады-Краскова Арина, «Жасыл ел» Павлодар қалалық штабының командирі.

#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan