Қызметтік әдеп нормаларын сақтау – мемлекеттік қызметке деген сенім мен құрметтің кепілі

Мемлекеттік аппарат қызметінің негізгі бағыттарының бірі – Қазақстан Республикасының мемлекеттік қызметшілерінің Әдеп кодексін бұлжытпай сақтау болып табылады. Кодекс мемлекеттік қызметшілердің мінез-құлық нормалары мен стандарттарын айқындай отырып, мемлекеттік басқару мәдениетін арттыруға және азаматтардың билікке деген сенімін нығайтуға бағытталған.

Әдеп кодексі заңдылық, адалдық, бейтараптық, әділдік, азаматтардың құқықтары мен бостандықтарын құрметтеу, адалдық пен жауапкершілік сияқты қағидаттарға негізделген. Әрбір мемлекеттік қызметші бұл қағидаттарды тек қызмет барысында ғана емес, күнделікті өмірде де сақтап, моральдық кемелділіктің, әдептіліктің және азаматтарға ізетті қарым-қатынастың үлгісін көрсетуі тиіс.

Аудан әкімі аппараты мен мемлекеттік мекемелерде қызметтік әдепті нығайту, корпоративтік мәдениетті қалыптастыру және мінез-құлық нормаларының бұзылуының алдын алу бағытында жүйелі жұмыс жүргізілуде. Семинарлар, кеңестер мен профилактикалық кездесулер өткізіліп, онда әдептік жағдайлар қаралады, түсіндірмелер мен ұсынымдар беріледі, мүдделер қақтығысының алдын алу және ашықтық пен есептілік қағидаттарын нығайту мәселелері талқыланады.

Аудан әкімі аппаратының әдеп жөніндегі уәкілі мемлекеттік қызметшілердің қызметтік мінез-құлқын бақылайды, кеңес береді, түсіндіру жұмыстарын жүргізеді және азаматтар мен қызметкерлердің Әдеп кодексін сақтау мәселелері бойынша өтініштерін қабылдайды.

📞 Қызметтік әдеп нормаларының бұзылу фактілері анықталған жағдайда, сондай-ақ мемлекеттік қызмет саласында кеңес пен түсіндірме алу үшін азаматтар мен қызметкерлер келесі телефон арқылы хабарласа алады:
8 (71831) 2-24-24

 

Аудан әкімі аппаратының әдеп жөніндегі уәкілі
Усина Р.К.