"Азаматтарға арналған үкіметтің" кадр резервіне 14 павлодарлық қабылданды

"Азаматтарға арналған үкіметтің" кадр резервіне 14 павлодарлық қабылданды

       Осы жылдың 1 наурызы мен 30 сәуірі аралығында болған «Азаматтарға арналған үкіметтің» кадр резерві іріктеуіне барлығы 1873 өтінім келіп түскен болатын.
        Үміткерлер бірнеше кезеңнен тұратын іріктеуден өтті. Қорытынды кезеңде үміткерлерді құрамына ҚР Парламентінің депутаттары, БАҚ өкілдері, мемлекет және қоғам қайраткерлері, HR-мамандары, Мемлекеттік қызмет істері агенттігінің және сыбайлас жемқорлыққа қарсы іс-қимыл агенттігінің өкілдері, Ұлттық қоғамдық сенім кеңесінің мүшелері, Мемлекеттік корпорациясы директорлар кеңесі мен басқарма мүшелері кірген арнайы комиссия іріктеген болатын.
Нәтижесінде «Дарындылар пулына» 353 адам қабылданса, оның 14-і Ертіс өңірінен болып шықты.
          Жобаның басты мақсаты – болашағынан үміт күттіретін қызметкерлерді табу, олардың құзыретін дамыту және алдағы уақытта бос басшылық лауазымдарға ұсыну.
         Бұл жобаны жүзеге асыруда "Президенттің жастар кадр резерві", Елбасы академиясының салалық менеджерлері" және "Жас Өркен" сияқты ұқсас жобалардың тәжірибесі зерттелген болатын. "Дарындылар пулы" Қазақстандағы кадрлар резервін қалыптастырудағы төртінші жоба болып табылады.