Успен ауданының 90 жылдық мерейтойы кең көлемде атап өтілді!

Мерекелік алаңда киіз үйлер құрылып, тұрғындар мен қонақтарға қазақтың төл өнері мен салт-дәстүрін көрсететін этноауыл орналастырылды. Қонақтар үшін балалар мен спорт алаңдары, тақырыптық фотоаймақтар, сәндік-қолданбалы шығармашылық көрмелері, мұражай экспонаттары және аудан туралы бірегей тарихи материалдар дайындалды.

✨Иса Байзақов атындағы облыстық филармониясының, Павлодар, Шарбақты аудандарының көркемөнерпаздарының шығармашылық ұжымдары, сондай-ақ Успен ауданының таланттарының қатысуымен өткен концерттік бағдарлама мерекенің жарқын сәніне айналды.

Салтанатты бөлімде ауданның әлеуметтік-экономикалық дамуына елеулі үлес қосқан жерлестерге құрмет көрсетілді.

🏇🏻Ұлттық ойындар — қазақ күресі мен бәйге ойын-сауық жарыстары көрермендердің ерекше қызығушылығын туғызып, мерекенің нағыз сәніне айналды.

Мерейтойды тойлау - бірліктің, сабақтастықтың және туған өлке үшін мақтаныштың айқын көрінісі!