Грипп

Суық тию маусымы басталды: өзіңізді және жақындарыңызды қалай қорғауға болады?

Суық түскен сайын тұмау және басқа да жұқпалы аурулар көбейеді. Олардың ішінде ең қауіптісі – тұмау. Бұл жай ғана тұмаурату емес: ауру жылдам өршіп, жоғары қызу, әлсіздік, дененің сырқырауы сияқты белгілермен өтеді және пневмония, бронхит, отит, миокардит сияқты ауыр асқынуларға әкелуі мүмкін.

Қауіп тобына кімдер жатады?

• балалар,
• қарттар,
• жүкті әйелдер,
• созылмалы ауруы бар адамдар.

Вирус қалай жұғады?

• жөтелгенде және түшкіргенде ауа арқылы,
• заттар арқылы (есіктің тұтқасы, телефон, ұстындар),
• қолды жумай бетке тигізгенде.

Назар аударуды қажет ететін белгілер:

• қызу 38–40 °С,
• қатты әлсіздік, қалтырау, дененің сырқырауы,
• бас, бұлшықет пен көздің ауырсынуы,
• құрғақ жөтел, тұмау, тамақ ауруы.

Алдын алу жолдары:

• қолды жиі жуып, антисептик пайдаланыңыз,
• бөлмені желдетіп, тазалық сақтаңыз,
• дұрыс тамақтанып, ұйқыңызды қандырыңыз,
• адамдар көп жиналатын жерден аулақ болыңыз,
• алғашқы белгілер байқалса, үйде қалып, дәрігерге жүгініңіз.

Вакцинация – басты қорғаныш!

Қазіргі екпелер қауіпсіз және аурудың ауыр өту қаупін едәуір төмендетеді. Вакцина әсіресе балаларға, қарттарға, жүкті әйелдерге және созылмалы ауруы бар адамдарға өте маңызды.

📍 ШЖҚ «Успен аудандық ауруханасында» КМК-да тұмауға қарсы вакцина салдыруға болады. Дәрігерлер сіздің сұрақтарыңызға жауап беріп, екпені тез әрі қауіпсіз жасайды.