Мемлекеттік қызметшілермен «Діни экстремизм мен терроризмнің алдын алу және ескерту, конфессияаралық төзімділік пен келісімді қалыптастыру» тақырыбында ақпараттық-түсіндіру тобының мүшесі В. В. Негриенко кездесу өткізді. Кездесу барысында діни радикализм қаупі, оның алдын алу тетіктері және әртүрлі конфессия өкілдері арасындағы қоғамдық келісім мен өзара түсіністікті нығайтуда мемлекеттік қызметшілердің рөлі жөнінде өзекті мәселелер талқыланды. Сонымен қатар, қатысушыларға «Құқық бұзушылықтардың алдын алу туралы» Қазақстан Республикасының Заңына енгізілген толықтырулар бойынша, қоғамдық орындарда адамның түр-сипатын тануға кедергі келтіретін киімдерді киюге тыйым салу жөніндегі бейнематериалдар көрсетілді.