Тұтынушының электрмен жабдықтау желілеріне қосылу процедурасы жөнінде
Мемлекет басшысының әлемнің бәсекеге қабілетті 30 елінің қатарына кіру жөніндегі тапсырмасын орындау үшін Қазақстан Республикасының Үкіметі елдегі кәсіпкерлік қызметті түбегейлі жақсарту және Қазақстанның халықаралық рейтингтердегі позицияларын жақсарту бойынша белсенді жұмыс жүргізуде, олардың бірі Дүниежүзілік экономикалық форумның Жаһандық бәсекеге қабілеттілік индексі (бұдан әрі – ДЭФ ЖБИ).
ДЭФ ЖБИ 114 көрсеткіштен есептеледі, оның 34 – і статистикалық деректер негізінде есептеледі (ақпарат көздері: ХВҚ, Дүниежүзілік банк, ДДҰ, ДСҰ, ЭЫДҰ, ЮНЕСКО, ДСҰ, IATA, ITC, ITU және т.б.), ал қалғандары-респонденттердің сауалнамасы негізінде. 114 көрсеткіштен экономикалық дамудың әртүрлі деңгейлеріндегі әлем елдерінің бәсекеге қабілеттілігін егжей-тегжейлі сипаттайтын бәсекеге қабілеттіліктің 12 факторы шығарылады.
«Инфрақұрылым» термині 9 көрсеткіштен тұрады, оның ішінде 3 статистикалық және 6 сауалнама көрсеткіштері, сонымен қатар «Электрмен жабдықтау сапасы» көрсеткіші.
Мәселен, «электрмен жабдықтау сапасы» көрсеткішін жақсарту мақсатында Қазақстан Республикасы Энергетика министрлігі тұтынушыларды электрмен жабдықтаудың сенімділігі мен сапасын жақсартуға және тұтастай алғанда елдегі кәсіпкерлік қызметті жақсартуға бағытталған құқықтық түсіндіру жұмысын жүргізуде. Құқықтық түсіндіру жұмыстарының іс-шаралары Республикалық медиа-жоспарға, сондай-ақ министрліктің медиа-жоспарына енгізілген.
Электржелілік компаниялар тұтынушыларды электрмен жабдықтау сапасы бойынша ұйымдастырушылық және техникалық іс-шараларды, сондай-ақ құқықтық түсіндіру жұмысын көздейтін «электрмен жабдықтау сапасы» индикаторын жақсарту бойынша бекітілген іс-шаралар жоспарын іске асыруда.
Электр желілерін жаңғырту жөніндегі тұрақты жұмыс, бұл Қазақстан Республикасының біртұтас электр энергетикалық жүйесіндегі технологиялық бұзушылықтардың төмендеуіне алып келеді.
Электрмен жабдықтаудың сенімділігі мен сапасын жақсарту және тұтынушыларды электрмен жабдықтау жүйесіне қосу рәсімін оңайлату мақсатында электр энергетикасы саласындағы нормативтік-құқықтық актілерге өзгерістер мен толықтырулар енгізілді:
- 2015 жылғы 20 ақпандағы № 111 электр энергиясының бөлшек сауда нарығын ұйымдастыру және оның жұмыс істеуі, сондай-ақ осы нарықта қызметтер көрсету қағидалары;
- 2015 жылғы 25 ақпандағы №143 электр энергиясын пайдалану қағидалары;
- 2017 жылғы 23 қазандағы №356 Электрмен жабдықтаудың үлгілік шарттары;
- Электрмен жабдықтау сенімділігі көрсеткіштерінің нормативтік мәндері, сондай-ақ оларды айқындау қағидалары 2016 жылғы 20 мамырдағы № 214 ережелері.
Нормативтік құқықтық актілерде келесі өзгерістер мен толықтырулар қарастырылған:
- Қазақстан Республикасында халықаралық практикада қолданылатын электрмен жабдықтау сенімділігінің көрсеткіштері (SAIFI) - электрмен жабдықтау желісіндегі бір тұтынушыға ажыратулар санының орташа көрсеткіші және (SAIDI) - күнтізбелік бір жыл ішінде Электрмен жабдықтау желісіндегі бір тұтынушыға ажыратулар ұзақтығының орташа көрсеткіші қабылданды.
- электрмен жабдықтау желілеріне қосылу кезінде екі рұқсат беру рәсімі қысқартылды және электрмен жабдықтау жүйесіне қосылуға техникалық шарттарды беру мерзімдері, тұтынушылардың энергия беруші ұйыммен жобалық шешімдерін келісу мерзімдері, сондай-ақ электрмен жабдықтауға шарт жасасу мерзімдері айтарлықтай қысқартылды.
- белгіленген қуаты 5 МВт дейінгі электр қондырғылары бар тұтынушылар үшін қосу өтініміне тұтынушының сыртқы электрмен жабдықтау схемасын қоса беру талап етілмейді.
- тұтынушының энергиямен жабдықтау жүйесін Сыртқы қосудың сараптамалық қорытындысын алу рәсімі алып тасталды.
- техникалық шарттарды беру және қайта ресімдеу үшін төлем алынбайды.
- құрылыс-монтаж жұмыстарына рұқсат алу қажеттілігі алынып тасталды. Енді жобалаушыға мемлекеттік сәулет-құрылыс бақылау басқармасына жұмыстардың басталғаны туралы электрондық нысанда хабарлама жіберу жеткілікті.
- Мемлекеттік энергетикалық қадағалау және бақылау органынан электр желілеріне қосылуға рұқсат алу қажеттілігі алынып тасталды.
- электрмен жабдықтау шартын жасасудың бір апталық мерзімі үш күнге дейін қысқартылды.
ҚР ЭМ Атом және энергетикалық қадағалау мен бақылау комитетінің Павлодар облысы бойынша аумақтық департаменті