Қазақстан Республикасының ауыл шаруашылығы министрі Е.Ш. Қарашөкеев жұмыс сапарымен Тереңкөл ауданында болды.

Мал сою алаңында ет өнімдерін сатумен айналысатын "Ет-Бастау" ЖШС-нің қызметкерлерімен кездесіп, жұмысымен танысты.

Бұдан кейін Министр Бобровка ауылдық округінде болып, "Құндыз"ШҚ-ның картоп қоймасында болды. Картопты жинау барысымен және егіс алқаптарымен танысты. Шаруалармен кездесу барысында Мемлекет тарапынан берілетін қолдаулар мен бағдарламалар жайлы егжей-тегжейлі мәлімет берді. Кездесу соңында күзгі жиын-терімнен мол өнім алуға тілектестігін білдірді.