Сайланған әкімге куәлік тапсыру

2026 жылғы 14 сәуірде Тереңкөл ауданының аумақтық сайлау комиссиясы Тереңкөл ауылдық округінің сайланған әкімі Ризабек Бауыржанұлы Айтмағамбетовті тіркеді. Ризабек Бауыржанұлы Айтмағамбетов тікелей сайлау нәтижесінде Тереңкөл ауылдық округінің әкімі қызметіне сайланды.

Ризабек Бауыржанұлы Қашыр ауданы Қашыр ауылында дүниеге келген. Еңбек жолын 2006 жылы Қашыр ауданының № 2 жалпы білім беру орта мектебінде тарих пәнінің мұғалімі болып бастаған. 2007 жылдан 2019 жылға дейін Қашыр ауданының әкім аппаратында және мәдениет, спорт, дене шынықтыру және тілдерді дамыту бөлімінде жұмыс істеді. 2019 жылдан бастап Октябрь ауылдық округінің әкімі, 2022 жылдан бастап Тереңкөл ауданы Тереңкөл ауылдық округінің әкімі. "АMANAT" партиясы ұсынған.