2026 жылғы 27 қаңтарда Шарбақты ауданының Қоғамдық кеңес мүшелері Шарбақты ауылындағы екі дәріханада: «Аманат» дәріханасында (www.biosfera.kz) және «Анелия DENT» ЖШС дәріханасында дәрілік заттардың бағаларының сақталуын тексеру мақсатында мониторинг жүргізді.

Мониторинг нәтижесінде екі дәріханада да Қазақстан Республикасының заңнамасында белгіленген дәрілік заттарды өткізу қағидаларының қатаң сақталатыны анықталды. Дәрі-дәрмектер санитарлық және фармацевтикалық талаптарға сәйкес босатылады. Таңдап алынған дәрілік препараттардың бағалары белгіленген шекті деңгейден аспайды.
Сондай-ақ дәріханалардың ғимараттары мен жабдықтары дәрілік заттар саудасына қойылатын мамандандырылған талаптарға толық сәйкес келеді.