Шарбақты ауданының ТЖБ ескертеді: көлік құралдарын пайдалану кезінде қауіпсіздік шараларын сақтаңыздар

Шарбақты ауданының төтенше жағдайлар бөлімі тұрғындардың назарын күзгі-қысқы кезеңде автокөліктерді пайдалану барысында қауіпсіздік ережелерін қатаң сақтаудың маңыздылығына аударады.

Ауа температурасының төмендеуімен бірге көктайғақ, көрінудің нашарлауы және техникалық ақаулар салдарынан жол-көлік оқиғаларының саны артуда.

Шарбақты ауданының ТЖБ қызметкерлері жүргізушілерге келесі қауіпсіздік шараларын сақтауды ескертеді:

• автокөлікті уақтылы қысқы дөңгелектерге ауыстыру;
• тежегіш жүйесінің, аккумулятордың және жарық беру құрылғыларының дұрыстығын тексеру;
• өзімен бірге міндетті түрде дәрі қобдишасын, өрт сөндіргішті, апаттық белгі мен сүйреткіш арқанды алып жүру;
• жол қозғалысы жылдамдығын және арақашықтықты сақтау;
• автокөлікті жабық ғимараттарда қозғалтқышы қосулы күйде қалдырмау, себебі бұл иіс газы (угарный газ) әсерінен улануға әкелуі мүмкін.

Шарбақты ауданының ТЖБ жүргізушілерді жол қозғалысы ережелерін және көлікті пайдалану кезіндегі қауіпсіздік шараларын сақтауға шақырады.