Кенжекөл күні

23 тамыз күні «Ауыл күні» мерекесі аясында орталық алаңда Спорттық ойындар ұйымдастырылды. «Еркін күрес», «Арқан тартыс», «Асық ату» жарыстарына 80-нен астам балалар мен жасөспірімдер қатысты. Орман белдеуі аумағында «Көкпар» ат жарыстары өтті. Жарысқа Май, Аққулы, Екібастұз аудандары мен Кенжекөл ауылының  командалары қатысты. Нәтижесінде 1 орынды Аққулы ауданы жеңіп алды, 2 орынға Екібастұз ауданының Ақкөл ауылының командасы ие болды, 3 орынмен Кенжекөл командасы марапатталды және 4 орынға Май ауданының командасы ие болды.   

«Ауыл күні» мерекесі аясында орталық сахнада концерттік бағдарлама өтті.

Іс-шараға Павлодар қаласының әкімі Х.А.Хабылбеков қатысты. Мерекенің өтуіне демеушілік көмек көрсеткендері үшін қала әкімінің Алғыс хаттарымен округ кәсіпкерлері марапатталды. Қоғамдық өмірге белсене араласып, жастарды патриоттық рухта тәрбиелеуге қосқан елеулі үлесі мен көп жылдық адал еңбегі үшін «Қаланың дамуына қосқан үлесі үшін» төсбелгісімен ауыл белсенділері Ардагерлер Кеңесінің төрағасы Н.Ш.Нұрпеисов және Қоғамдық келісім Кеңесінің төрайымы М.А.Ақжанова наградталды.

Концерттік бағдарламаға Кенжекөл ауылының, Майқайын кентінің шығармашылық ұжымдары қатысты. Кешкі сағат 18.00-ден бастап Қазақстан эстрада жұлдыздары Ұланғасыр Қами, The Brookln және «TRISTAR» тобы өз өнерлерін көрсетті.