Екібастұз қаласының басқару органдарымен және азаматтық қорғау күштерімен кешенді оқу-жаттығу
2026 жылғы 24-26 маусым аралығында Екібастұз қаласында табиғи және техногендік сипаттағы төтенше жағдайларға ден қоюға әзірлікті арттыруға бағытталған Екібастұз қаласының басқару органдарымен және азаматтық қорғау күштерімен кешенді оқу-жаттығу өткізілді.
Кешенді оқу-жаттығудың екінші күні барысында төтенше жағдайлар туындаған кезде басқару органдары мен азаматтық қорғау күштерінің іс-қимылдары пысықталды, тіршілікті қамтамасыз ету қызметтерінің өзара іс-қимыл деңгейі, сондай-ақ халықты эвакуациялауды ұйымдастыру авариялық-құтқару және шұғыл жұмыстарды жүргізу мәселелері тексерілді.
25 Маусымда оқу-жаттығу аясында бірқатар практикалық және ұйымдастырушылық іс-шаралар өткізілді. Атап айтқанда, кіріспе міндеттер бойынша Қалалық қызметтер тыңдалды, сондай-ақ эвакуациялық комиссияның отырысы өткізілді.
"Болат Нұржанов атындағы Екібастұз ГРЭС-1" ЖШС азот-оттегі станциясының учаскесінде компрессорлық қондырғының ауа құбырындағы ауа қысымын жару, қыздыру және арттыру кезінде өрт сөндіру бөлімі мен авариялық-құтқару қызметі персоналының іс-қимылдары тақырыбы бойынша тактикалық-арнайы оқу-жаттығу өтті.
М. Жүсіп көшесі, 23 мекенжайы бойынша эвакуациялық қабылдау пунктінің дайындығы тексерілді.
"Горводоканал" МКК базасында химиялық қауіпті объектідегі төтенше жағдайды жою кезінде азаматтық қорғау қызметтерінің, объектілік құралымдар мен персоналдың өзара іс-қимыл мәселелерін пысықтауға бағытталған тактикалық-арнайы оқу-жаттығу өткізілді.
Су айдындарында жаппай демалу орындарының қауіпсіз жұмыс істеуі үшін қажетті жабдықтардың дайындығы мен болуын бағалау мақсатында Солнечный кентінің коммуналдық жеке жағажайларында шомылу маусымына дайындық байқауы өткізілді.
Абай даңғылы, 86 мекенжайы бойынша жеке қорғаныс құралдарын беру пунктінің дайындығына байқау өткізілді, оның барысында жауапты лауазымды тұлғалардың жұмысын ұйымдастыру деңгейіне баға берілді.
Кешенді оқу-жаттығу қорытындысы бойынша өткізілген іс-шаралардың нәтижелері шығарылды. Оқу-жаттығу залында басқару органдары мен азаматтық қорғау күштерінің төтенше жағдайлар кезіндегі іс-қимылдарға дайындығы, қызметтердің өзара іс-қимыл тәртібі, сондай-ақ халықтың қауіпсіздігін қамтамасыз ету бойынша дайындық деңгейі тексерілді.