Көктөбеде ауыл шаруашылығы тауар өндірушілерімен кездесу өтті

Май ауданының Көктөбе ауылында «AMANAT» партиясы аудандық филиалының алаңында мемлекеттік еңбек инспекторы ауыл шаруашылығы құрылымдары мен шаруа қожалықтарының өкілдерімен кездесу өткізді.

Іс-шараға Павлодар облысының Кәсіпкерлер палатасының және «Мемлекеттік аннуитеттік компания» АҚ өкілдері де қатысты.

Кездесу барысында еңбек заңнамасын сақтау, қауіпсіздік техникасы, қызметкерлерді жазатайым оқиғалардан міндетті сақтандыру, сондай-ақ кәсіпкерлік қызметті ашу және жүргізу мәселелері қаралды.

Қатысушыларға еңбек қатынастарын рәсімдеу және қауіпсіз еңбек жағдайларын қамтамасыз ету мәселелері бойынша түсіндірме жұмыстары жүргізілді.