Төтенше жағдайлар департаментінің, Екібастұз өңірі ауылдары мен ауылдық округтері әкімдерінің қатысуымен төтенше жағдайлардың алдын алу және жою жөніндегі комиссияның мәжілісі өтті.
Қыс бойы қардың үздіксіз шығарылуына қарамастан, ауа-райының күрт жылынуына байланысты тұрғын үйлер мен автожолдарды су басу қаупі бар. Аян Бейсекин ауылдық округтердің әкімдеріне су өткізу құбырларын тазарту жұмыстарын сапалы ұйымдастыруды тапсырды.
Көктемгі-жазғы кезеңдегі ауа-райын ескере отырып, дала аймағында өрт шығу қаупі бар. Ауылдық округтерде өртті жедел жою және оның таралуын болдырмау үшін өртке қарсы ерікті құралымдар және 6 өрт сөндіру бекеті бар.
«Әр ауыл әкіміне 2 апта ішінде елді мекендердің барлық өрт гидранттарын тексеруден өткізуді, ақау анықталған жағдайда жұмыс жағдайына келтіруді тапсырамын», - деді Екібастұз қаласының әкімі.
2023 жылы қалалық бюджет есебінен арқаға ілінетін бензинді
202 бүріккіш сатып алынды. Өрт сөндіру бекеттерін күшейту үшін
2024 жылы сыйымдылығы 6 тонналық 9 цистерна сатып алуға қаражат бөлінді.