Қала әкімімен бір күн

«Үміт» балаларды қолдау орталығының тәрбиеленушілері Екібастұз қаласының әкімімен бір күн өткізіп, жергілікті атқарушы органның қызметімен танысты.

Жалпы, күні бойы №24 мектептің оқушылары Диана Мидинова мен Артем Довбыш қаланы дамыту жөніндегі кеңестерге, спорттық турнирге, түрлі кездесулер мен жиналыстарға қатысып, абаттандыру мәселесі бойынша қаланы аралады, сондай-ақ олар үшін әкімдік бойынша экскурсия өткізілді.

Соңында балалар өз әсерлерімен бөлісті.

«Әкімдік қызметкерлерінің жұмысын іштен көру өте ерекше және қызықты болды. Осындай мүмкіндік үшін рақмет», - деді Диана Мидинова.

Екібастұз қаласының әкімі Аян Бейсекин балаларға ақыл-кеңесін айтып, естелік сыйлықтар табыс етті.