Юбилейный МҮ директорының бос орнына конкурс

«Екібастұз қаласының Шідерті поселкесі әкімінің аппараты» мемлекеттік мекемесі, 141220, Шідерті поселкесі, Қаныш Сәтбаев көшесі, 20, анықтама телефондары: 8(7187)398552, 398248, электрондық мекенжайы: akim.shiderty.ae@pavlodar.gov.kz.
Екібастұз қаласы Шідерті поселкесі әкімі аппаратының «Юбилейный» мәдениет үйі» коммуналдық мемлекеттік қазыналық кәсіпорнының директоры бос лауазымына орналасуға конкурс жариялайды, мекен- жайы: 141220, Шідерті поселкесі, Жастар көшесі, 13, телефондары 8(7187)398562
Кәсіпорын қызметінің мәні мен мақсаты: ұрпақтың сабақтастығын сақтау, Қазақстан халықтарының мәдениетін дамыту, азаматтардың, қоғамның, мемлекеттің мәдени тұтынушылығын қанағаттандыру болып табылады.
Конкурсқа қатысушыларға қойылатын талаптар:
- Педагогикалық ғылымдар (жалпы дамыту бағытындағы пәндік мамандандыруы бар, гуманитарлық пәндер бойынша, тілдер және әдебиет бойынша педагогтерді даярлау) және/немесе өнер және гуманитарлық ғылымдар және/немесе әлеуметтік ғылымдар, журналистика және ақпарат және/немесе бизнес, басқару және құқық және/немесе қызмет көрсету (туризм, мәдени-тынығу жұмысы) кадрларды даярлау бағыттарының бірі бойынша жоғары (немесе жоғары оқу орнынан кейінгі) білімінің болуы;
- техникалық реттеу саласындағы уәкілетті орган бекіткен экономикалық қызмет түрлерінің жалпы жіктеуіштеріне сәйкес Кәсіпорын қызметінің саласындағы мамандық бойынша басқарушылық лауазымдарда кемінде 5 жыл жұмыс өтілінің болуы;
- мемлекеттік кәсіпорынның қызмет саласындағы қатынастарды реттейтін Қазақстан Республикасының нормативтік құқықтық актілерін: Конституцияны; Бюджет кодексін; Әкімшілік құқық бұзушылық туралы кодексті; Еңбек кодексін; Әкімшілік рәсімдік-процестік кодексті; «Авторлық құқық және сабақтас құқықтар туралы», «Мәдениет туралы», «Мемлекеттік мүлік туралы», «Сыбайлас жемқорлыққа қарсы іс-қимыл туралы», «Мемлекеттік сатып алу туралы» Қазақстан Республикасының заңдарын; ішкі еңбек тәртібі, еңбекті қорғау және қауіпсіздік, өндірістік санитария ережелерін, өрт қауіпсіздігі талаптарын білуі.
Конкурсқа қатысу үшін ұсынылатын құжаттардың тізбесі:
1) конкурсқа қатысу туралы өтініш;
2) мемлекеттік және орыс тілдеріндегі түйіндеме;
3) білімі туралы құжаттардың көшірмелері;
4) еңбек кітапшасының (ол болған кезде) немесе еңбек шартының көшірмесі, не соңғы жұмыс орнынан еңбек шартын қабылдау және тоқтату туралы бұйрықтардан үзінді көшірме;
5) Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы №ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген "Медициналық анықтама (дәрігерлік кәсіби-консультациялық қорытынды)" № 075/е нысаны бойынша анықтама.
Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, сондай-ақ бұрынғы жұмыс орнының басшылығынан ұсынымдар) ұсына алады.

Хабарландыру жарияланған күннен бастап конкурсқа қатысу үшін құжаттарды қабылдау күнтізбелік 15 күн ішінде жүргізіледі.

Конкурстың өтетін күні мен орны: 2026 жылғы 28 тамыз «Екібастұз қаласының Шідерті поселкесі әкімінің аппараты» мемлекеттік мекемесінде.