Новосибирск өткен көркем сурет байқауының дипломанттары

Ресейдің Новосибирск қаласында өткен «Краснолесье» балалар шығармашылығының халықаралық байқауына Павлодар қаласының балалар көркем сурет мектебінің 6 - 15 жас аралығындағы 95 оқушының жұмыстары жіберілді. Ұйымдастырушы - Новосибирск қаласының № 17 балалар өнер мектебі.

- Байқау жыл сайын планетаның өсімдіктер әлемі туралы тақырыптарда өткізіледі. Бұл байқау «Ботаникалық иллюстрация», «Сәндік композиция», «Ертегілер мен аңыздарға иллюстрация», «Сәндік бұйым» номинациялары бойынша «Бөлме өсімдіктері» тақырыбында өтті. Біздің оқушылар бірінші жылы қатысып, номинациялар бойынша 95 сурет ұсынды, - дейді көркем сурет мектебінің педагогі Инна Масленникова.

Байқау қорытындысы бойынша 59 павлодарлық қатысушы жүлделі орындарға ие болып, түрлі деңгейдегі байқаудың дипломанттары атанды.

15 жастағы Каримова Анита, квилинг техникасындағы «Алоэ» суреті үшін, педагогі Татьяна Ахметжанова, 4 жастағы Волик Мария, аралас техникадағы «Көк құс» суреті үшін, 8 жастағы Черновол Вера, аралас техникадағы «Нарциссистер гүлдеді» суреті үшін, 7 жастағы Төлегенова Диляра, аралас техникадағы «Кактустар отбасы» сурет үшін, 8 жастағы Умарова Самира, аралас техникадағы «Кактустарды ұнатпау мүмкін емес» суреті үшін жеңімпаз атанды, педагогі Инна Масленникова.

- Мен осындай деңгейдегі байқаудың жеңімпазы болғаныма өте қуаныштымын. Бұл менің алғашқы жеңісім. Мен гүл салғанды ұнатамын. Мен түрлі-түсті қарындаштармен сурет саламын, гуашьты бояулармен сурет салуды үйреніп жатырмын, - дейді төрт жасар Волик Мария.

II дәрежелі дипломанттар 6 - 10, 15 жас аралығындағы 11 қатысушы, III дәрежелі дипломанттар – 7 - 9, 11 - 12 жас аралығындағы 17 оқушы, 6 - 10 жас аралығындағы 25 оқушы дипломант болды.

Павлодарлық қатысушылардың жұмыстарында гуашь бояуларымен, балауыз қарындаштарымен, акварель бояуларымен, фломастерлермен, қаламдармен, түрлі-түсті қарындаштармен, аралас техникамен орындалған «Қыз-бағбан», «Гүлдердің хош иісі», «Менің сүйікті гүлдерім», «Анемондар», квилинг техникасындағы киізге кестеленген «Алоэ» аппликация техникасындағы киізге кескінделген «Аспанға қарай тартылады» суреттері болды.

Дипломанттар мен жүлдегерлердің педагогтері - Инна Масленникова, Ляйля Магзамова, Нұрлан Дәуренбеков, Анжелика Бамбуляк, Гүлнар Мұхаметқалина, Шамиль Шушаев, Лариса Кузнецова, Айдана Мергалиева, Ляйля Магзамова, Оксана Сидоренко, Юлия Коваленко, Наталья Решетова, Андрей Солоденко.