Республикалық ауыл олимпиадасының жүлдегері

Астанада ауыл мектептерінің 9 - 11 сынып оқушылары үшін қоғамдық-гуманитарлық бағыттағы пәндер бойынша үш күндік республикалық олимпиадаға 400-ден астам талантты ауыл оқушылары қатысты. Олимпиадаға Павлодар облысынан құрамында 23 оқушы, соның ішінде Кенжекөл орта мектебінің 10 және 11 сынып оқушылары, облыстық тур жеңімпаздары қатысты.

Олимпиада қазақ тілі мен әдебиеті, орыс тілінде оқытатын мектептердегі қазақ тілі, орыс тілі мен әдебиеті, қазақ тілінде оқытатын мектептердегі орыс тілі, Қазақстан тарихы, құқық негіздері, ағылшын тілінен екі турда өтті.

- Қоғамдық-гуманитарлық бағыт бойынша ауыл мектептерінің оқушылары арасында жалпы білім беретін пәндер бойынша республикалық олимпиаданың қорытындысы бойынша облыс оқушыларының құрама командасы 3 медаль жеңіп алды, оның ішінде орыс тілі мен әдебиетінен қола медальға Кенжекөл орта мектебінің 10-сынып оқушысы Морош Анастасия ие болды, - дейді оның мұғалімі  Аринова Динара Холдаровна .

Жеңімпаздар мен жүлдегерлер Қазақстан Республикасы Білім және ғылым министрлігінің дипломдарымен және бағалы сыйлықтарымен марапатталды, олимпиаданың  барлық қатысушылары сертификат алды.

- Мен мектепте жақсы оқимын және осындай деңгейде «қола» ұтып алғаныма өте қуаныштымын. Бұл менің республикалық олимпиададағы алғашқы жеңісім. Олимпиадаға 5-сыныптан бастап қатысып келемін, 2024 жылы Ж.Аймауытовтың шығармашылығынан гуманитарлық олимпиаданың қалалық деңгейінде жеңімпаз атанып, лингвистикадан облыстық, қалалық олимпиадада, Қазақстан тарихы бойынша «Менің кішкентай Отаным» қалалық байқауында «Эссе» номинациясында екінші орынды иеленді. Жалпы білім беретін пәндер бойынша республикалық олимпиаданың қалалық кезеңінде бірінші орын алдым, қазір облыстық турға дайындалып жатырмыз, - дейді жүлдегер.