Ерекше білім беруді қажет ететін оқушылардың сөйлеу мүшесін түзету

Павлодар қаласы білім беру бөлімінің әдістемелік кабинеті № 18 ЖОМ базасында «Ерекше білім беруді қажет ететін оқушылардың сөйлеу мүшесін түзетудің заманауи әдістері мен тәсілдерін қолдану» тақырыбында қалалық семинар-практикум өткізді. Мақсаты - шығармашылықпен жұмыс істейтін логопед-мұғалімдердің жұмыс тәжірибесін ұсыну, логопедиялық сабақтарға интерактивті нысандар мен әдістерді енгізу.

Семинарда Павлодар қаласы білім беру бөлімінің әдіскері Шолпан Саменқызы Нұрахметова, қалалық логопедтер қауымдастығының төрағасы Татьяна Александровна Прокопенко ерекше білім беруді қажет ететін балалардың сөйлеу мүшесін түзетудің инновациялық әдістерін игеру, сөйлеу бұзылыстарын түзету бойынша мәселелерді шешудің оңтайлы тәсілдерін іздеу мәселелері бойынша сөз сөйледі.

Логопед-мұғалімдердің шығармашылық зертханалары ұсынылды. Набиева Светлана Фларитовна, № 18 ЖОМ логопед-мұғалімі «Логопедиялық жұмыста клавесті қолдану», Нұрбаева Айжан Ерболатқызы, М. Әлімбаев атындағы ЖОМ логопед-мұғалімі «Ерекше білім беруді қажет ететін оқушылармен логопедиялық жұмыстағы инновациялық тәсілдер», Оспанова Гүлзада Сәрсекеевна, А. Шамкенов атындағы лицей-мектебінің логопед «Ерекше білім беруді қажет ететін балалардың жазуын дамыту», Смакова Айнұр Сапарғалиқызы, М. Әуезоватындағы ЖОМ логопед-мұғалімі «Сөйлеу қабілеті нашар оқушылармен логопедиялық жұмысты ұйымдастырудағы психологиялық кедергілер» тақырыбында тренинг өткізді.

- Семинарға қатысушылар практикалық және шығармашылық тапсырмаларды белсенді талқылап, оларды іске асырудың оңтайлы жолдарын іздеді. Іс-шара логопед-мұғалімдердің сөйлеуді түзетудің интерактивті әдістерін игеруіне, әртүрлі сөйлеу бұзылыстары бар балалармен жұмыс жасауда түрлі формалар мен инновациялық тәсілдерді қолдануға ықпал етті. Семинар материалдары қала мектептеріне жолданды, дейді Шолпан Семенқызы Нұрахметова.