Шығармашылық топтардың инклюзивті тәжірибесі
«Каникулярлық мектеп» жобасын іске асыру аясында Павлодар қаласы білім беру бөлімінің әдістемелік кабинеті № 26 ЖОМ облыстық ресурстық орталығының базасында «Ерекше білім беруді қажет ететін оқушыларға психологиялық-педагогикалық қолдаудың әдіснамалық негіздері. Инклюзивті білім беру жағдайында оқытудағы инновациялық тәсілдер атты ғылыми-практикалық семинарды өткізді. Семинар жұмысына мектеп басшысы Гүлмира Мұхаметханқызы Ниязбекованың қатысуымен 120-дан астамбастауышсынып, орыс, ағылшын, қазақтілдері, математика, информатика, география, тарих мұғалімдері қатысты.
Пленарлық бөлімде инклюзивті білім берудің негізгі критерийлері, ерекше білім беруді қажет ететін балаларды әлеуметтік және білім беруге бейімдеу, бағдарламалық материалды игерудің тиісті динамикасы, жайлык едергісіз орта құру мәселелері бойынша Павлодар қаласы білім беру бөлімінің әдіскері Шолпан Саменқызы Нұрахметова сөз сөйледі, қалалық психологиялық-медициналық-педагогикалық консультацияның басшысы Сұлушаш Айткенқызы Айтбаева, комиссияға жіберу кезінде ақыл-ойында кемшіліктері барбалаларға және олардың ата-аналарына көмек көрсету мәселелеріне тоқталды.
Семинарға қатысушылар алдында ресурстық орталықтың әдіскері Кисиль Валентина Петровна, педагог-психолог Карпова Ирина Владимировна жалпы білім беретін мектеп жағдайында ерекше білім беруді қажет ететін балаларды оқыту және психологиялық-педагогикалық сүйемелдеу мәселелері бойынша сөз сөйледі. Орыс тілі мен әдебиет пәнінің мұғалімі Макишева Вера Александровна сөйлеу және жазу қабілеті бұзылған балалармен болған мәселелерге тоқталып, дүниежүзілік дислексия туралы хабардар болу күнін өткізуге баса назар аударды.
- Семинар қатысушыларына оқытудың интерактивті әдістері мен тәсілдерін енгізу, инновациялық технологияларды, критериалды бағалау жүйесін қолдану бойынша № 26 мектептің шығармашылық топтарының жұмыс тәжірибесі ұсынылды, - дейді Шолпан Саменқызы Нұрахметова.
Үш педагогикалық шеберхананың модераторлары бастауыш сынып, математика және информатика мұғалімдерінің мектеп шығармашылық топтарының жетекшілері - Зарина Сартентаевна Қасымова, тарих және география мұғалімдері - Дулат Боранбайұлы Омаров, гуманитарлық цикл мұғалімдері - орыс, қазақ, ағылшын тілдері - Сәрсекеева Сулья Каировна болды.
Ұсынылған № 26 ЖОМ инклюзивті практикасы қала мектептерінің шығармашылық топтарының желілік фокус-топтардағы ынтымақтастығына ықпал етеді. Материалдар қала мектептеріне жіберілді.