Павлодарлық ақын - педагогтің шығармашылық кеші

Павлодарда жас педагог, композитор Оразбек Бақытханның шығармашылық кеші өтті. Сахнада ақынның өлеңдері мен оның авторлық әндері шырқалды. Шығармашылық кеш өңіріміздің танымал 4 ақынының «Менің досым» атты поэмасымен ашылды. Осы кеште Оразбек Батытхан таланттың барлық қырын көрсетіп, жергілікті ақын бүгінде ҚР Парламенті мәжілісінің депутаты Жарқынбек Амантайдың сөзіне жазылған «Дүние» термесі мен «Ұмытшақ мен жарай ма» әнінің тұсауын кесті.

- Бүгін менің алғашқы шығармашылық кешім өтті. Бұл шығармашылық кеш Павлодар әкімдігінің, ішкі саясат бөлімінің қолдауымен «Менің жетістігім - елімнің жетістігі» жобасы аясында өткізіледі. Мен бүгін өзімнің авторлық әндерімді және оқушыларым мен студенттерімнің шығармашылығын ұсынамын, - дейді республикалық жыр-терме көркем сөз байқауларының жеңімпазы, Қазақстан Республикасы Президентінің «Ертіс дарыны», «Халық алғысы» медальдерінің және «Құрмет грамотасының» иегері Оразбек Бақытхан.

Оразбек Бақытхан - талантты ұстаз. Ол әнші, ақын, композитор, көркем сөз шебері және қоғам қайраткері. Қазіргі уақытта ол 2021 жылдан бастап М. Әлімбаев атындағы мектепте өзінің білімі мен өнерге деген құштарлығын үйретіп келеді, сонымен қатар директордың тәрбие жұмысы жөніндегі орынбасары қызметін атқарады. Ол өз орындауында «Жас ұстаздар ұраны» авторлық әні үшін облыс педагогтерінің сүйіктісіне айналды.

Бұл шығармашылық кештің мақсаты - көрермендердің жүрегін өнерге деген сүйіспеншілікпен толтыру және жас таланттарды қолдау. Оразбек Бақытхан «Менің жетістігім - елімнің жетістігі» жобасының алғашқы талантты ұстазы болып, кешті өткізуге грантты жеңіп алды.