Павлодар оқу-өндірістік комбинатының қызметі

Павлодар қаласы білім беру бөлімінің оқу-өндірістік комбинатында оқудың нәтижесі ретінде біліктілік емтихандарын аяқтағаннан кейін куәлік беру болып табылады. 2022 - 2023 оқу жылы «В», «ВС1» санатындағы көлік құралдарының жүргізушісі» мамандығын меңгерген қала мектептерінің 11-сыныптардың 476 оқушысы МАИ-да емтихандарды сәтті тапсырғаннан кейін жүргізуші куәлігін алады.

«Кіші медбике-массажшы», «Маркетинг жөніндегі менеджер», «Графикалық дизайн», «Педагог-психолог», «Киім дизайнері», «Журналистика және блогинг» бейіндік курстары бойынша 9-10 сыныптардың 577 оқушысы біліктілік куәліктерін алуда.

Оқу жылының соңында дәстүрлі түрде өткізілетін «Болашақ маман» кәсіби шеберлік байқауы маңызды қорытынды іс-шаралардың бірі болып табылады. Биыл кәсіби шеберлік байқауына 55 оқушы қатысты. Байқауға қатысушыларды іріктеу шарты ретінде оқудағы жетістіктері мен болашақ мамандығына, шығармашылық қызметіне байланысты ғылыми жобаларды қорғау болды. «Кіші медбике-аға - массажшы» бейіні бойынша қаланың әртүрлі мектептерінен 6 команда қатысты.

Қатысушылар комбинатта оқу жылы алған білімдері мен дағдыларын көрсетті. Байқауға қатысушылары «Дәрігердің парағы», «Травматологиялық пункт», «Медициналық терминология» тапсырмаларын орындады. «Жедел жәрдем станциясы» тапсырмасы барысында оқушылар бұлшықет ішіне және тері астына инъекция жасау кезінде дайындық деңгейін, қысымды өлшеу, аяқтан қан кету кезінде жгут салу және қолда бар құралдарды қолдану, білек сүйектерінің сынуы кезінде алғашқы медициналық көмек көрсету - шиналар мен қолда бар құралдарды қолдану, орамалға немесе таңғышқа іліп қою бойынша дайындықтарын көрсетті.

Байқауды №1 қалалық аурухананың нефрология бөлімшесінің медбикесі Ақбота Бейсенбайқызы Ризабек және Павлодар жоғары медициналық колледжінің мұғалімі, бейіннің түлегі Татьяна Юрьевна Безусова бағалады. Байқау жеңімпаздары болып Б. Момышұлы атындағы ЖОМ-нің 8 сынып командасы, Қ. Беққожин атындағы ЖОМ-нің 10 сынып командасы атанды, II орынға М. Жүсіп атындағы ЖОМ-нің 11-сынып командасы, № 24 ЖОМ-нің 9-сынып командасы, ІІІ орынға Малайсары батыр атындағы ЖОМ-нің 10-сынып командасы, № 14 ЖОМ-нің 8-сынып командасы ие болды.

«Креативтілігі үшін» номинациясы Қ. Беққожин атындағы ЖОМ-нің 10-сынып командасына, М. Жүсіп атындағы ЖОМ-нің 11 сынып командасына берілді.

«Үздік дизайнер - 2023» номинациясында «Графикалық дизайн» бейіні бойынша кәсіби шеберлік байқауының қатысушылары жұмыс жасады. Байқау тапсырмасы ретінде қатысушылар графикалық әдістер мен техникасын қолдана отырып, үш кәсіби салада өз жұмыстарын көрсетуі керек болды. Барлық сайыскерлер тапсырманы орындап, сөз сөйлеу үшін презентациялар дайындады. Қазылар алқасының құрамында бейіннің түлегі, «Болашақ маман – 2022» байқауының жеңімпазы, қазіргі Павлодар менеджмент колледжінің студенті Кирилл Свиридов болды. Байқаудың қорытындысы бойынша 1 орынға М. Жүсіп атындағы 10 сынып оқушысы Ерасыл Қайыргелді, № 39 ЖОМ-нің 9 сынып оқушысы Маргарита Степаненко,  2 орынға № 35 ЖОМ-нің 11 сынып оқушысы Берікбол Хайратбек, № 39 ЖОМ-нің 9 сынып оқушылары Алина Алдушенкова, Адеми Исина, 3 орынға № 25 ЖОМ-нің 11 сынып оқушысы Бахтияр Булатов, № 35 ЖОМ-нің 11 сынып оқушысы Айдана Құсайынова ие болды. «В» санатындағы көлік құралдарының жүргізушісі» бейінінде екі кезеңде кәсіби шеберлік байқауы ұйымдастырылып, өткізілді. «Жүргізуші» мамандығын алатын қала мектептерінің 11 сынып оқушылары арасында жыл сайынғы байқауға қатысу үшін 21 үміткер іріктелді. Байқауға қатысушылар жол қозғалысы ережелерін білуде, көлік жүргізуде жарысты. Қазылар алқасында Павлодар облысының жергілікті полиция қызметі басқармасының аға инспекторы Абылайхан Қуандықұлы Алпысбай болды. Үздік болып №43 ЖОМ-нің оқушысы Владислав Серов, №26 ЖОМ-нің оқушысы Амира Жартекей атанды, 2-орынға №41 ЖОМ-нің оқушысы Денис Литовченко, М.Әуезов атындағы ЖОМ-нің оқушысы Диана Федорова, 3-орынға №24 ЖОМ-нің оқушысы Томирис Сакиянова, Ш. Шөкин атындағы ЖОМ-нің оқушысы Федор Высоцкий  ие болды.

«Болашақ маман - 2023» байқауының қорытындысы бойынша жеңімпаз - 39 оқушы комбинаттағы қорытынды біліктілік емтихандарынан босатылды.

- Көптеген жоғары сынып оқушылары үшін кәсіби сынақтар мамандыққа деген алғашқы қадам болып табылады. Ең ұзақ жолдың өзі алғашқы қадамнан басталады деп орынды айтылған. «Оқу-өндірістік комбинатында қаланың жоғары сынып оқушыларында өздері үшін мамандық іздеуде және танысуда алғашқы таңдау жасауға мүмкіндігі бар екені қуантады», - дейді комбинат директорының орынбасары Светлана Леонидовна Новосёлова.

Ағымдағы оқу жылы комбинатта қаланың 34 мектебінен және 2 облыстық № 7, 1 мектеп-интернатынан 2300-ден астам 7-11 сынып оқушысы білім алды, оның ішінде 7-сыныптың 120 оқушысы «Кәсіптік бағдар беру» элективті курсы аясында білім алды, келесі оқу жылы 8-сыныптың 229 оқушысы оқытылатын бейіні бойынша екі жылдық оқуын жалғастырады, бейіндер бойынша оқуды 9-сыныптың 478, 10-сыныптың 401 және 11-сыныптың 1278 оқушысы бітірді.

Келесі оқу жылы 9-10 сынып оқушылары үшін жаңа «танымал» «SMM-менеджері» бейіндік курсын ашу жоспарлануда, оның мұғалімі тәжірибелі маман болады. Жыл сайынғы «Қаламыздың мамандықтары», «Мамандыққа қадамдар», «Болашаққа бағдар - жаңа мамандықтар атласы» жобаларының жұмысы жалғастырылатын болады.