Павлодар мектебі халықаралық байқау кубогының иегері атанды

Аты аңызға айналған қолбасшы Бауыржан Момышұлының 110 жылдық мерейтойына арналған «Бауыржан оқулары» халықаралық байқауының қорытындысы бойынша Бауыржан Момышұлы атындағы ЖОББМ оқушылары кубок пен 3 жүлделі орынға ие болды. Байқаудың ұйымдастырушысы Қостанай қаласының білім бөлімі болды.
Бауыржан Момышұлының 110 жылдық мерейтойын мерекелеу аясында байқауға Қазақстанның 32 мектебінен, Мәскеу қаласындағы Бауыржан Момышұлы атындағы № 1912 мектептен113 оқушы қатысты. Байқау 4 номинация бойынша өткізілді: «Жас автор», «Жас оқырман», «Суретші-иллюстратор», «Жас оператор».
«Жасқаламгер» номинациясында 22 қатысушы ішінен өз шығармасы бар өлеңдер сайысында 7 сынып оқушысы Амангелді Әсемгүл «Бауыржан Момышұлына арнау» авторлық өлеңі үшін II орынды иеленді.
«Көркем сөз оқушы» номинациясы бойынша Бауыржан Момышұлының шығармаларын мәнерлеп оқу сайысында 33 қатысушы ішінен 5 сынып оқушысы Хамитова Амина «Ұшқан ұя» повесінен үзінді жатқа оқығаны үшін II орынды иеленді.
«Суретші-иллюстратор»номинациясында Бауыржан Момышұлының шығармаларына иллюстрациялар бойынша 33 қатысушы ішінен «Мәскеу түбіндегі шайқас» суреті үшін 5 сынып оқушысы Азим Юлтанов II орынды иеленді. Жеңімпаздар мен жүлдегерлер Қостанай қаласының білім беру бөлімінің грамотасымен марапатталды, барлық қатысушыларға сертификаттар табысталды.