Павлодар облысында бірінші сыныпқа құжат қабылдау басталды

2026 жылғы 18 маусым мен 31 тамыз аралығында Павлодар облысының білім беру ұйымдарында 2026–2027 оқу жылына балаларды 1-сыныпқа қабылдау үшін құжаттар қабылданады. Жаңа оқу жылында өңірдегі шамамен 11 мың бүлдіршін алғаш рет мектеп табалдырығын аттайды.

Ата-аналар өтінішті бірнеше тәсілмен бере алады:

📌 ұлттық білім беру платформасы OQU арқылы;

📌 eGov.kz порталы арқылы;

📌 мектепке тікелей қағаз түрінде тапсыруға болады.

1-сыныпқа қабылдану үшін қажетті құжаттар:

📌 баланың 3×4 көлеміндегі фотосуреті;

📌 профилактикалық екпелер картасы (№065/у нысаны);

📌 баланың денсаулық паспорты (№052-2/у нысаны);

📌 психологиялық-медициналық-педагогикалық консультацияның қорытындысы (қажет болған жағдайда).

Өтінішті қарау мерзімі – бір жұмыс күні.

Павлодар облысының білім басқармасы ата-аналарға құжаттарды уақытылы тапсыру қажеттігін еске салады. Бұл баланың жаңа оқу жылына жайлы әрі сапалы дайындалуына мүмкіндік береді.