WorldSkills Pavlodar – 2026: өндірістегі алғашқы тәжірибе

2026 жылғы 22–23 сәуір күндері Павлодар қаласында «Жөндеу-механикалық жұмыстар» құзыреттілігі бойынша WorldSkills Pavlodar – 2026 өңірлік чемпионаты өтті. Биыл алғаш рет жарыс алаңы ретінде өңірдегі ірі өндірістік кәсіпорын – Павлодар мұнай-химия зауыты таңдалды.

Чемпионатқа облыстың 6 колледжі қатысып, әрқайсысы екі қатысушыдан құралған командаларын ұсынды. Сайысқа келесі оқу орындарының студенттері қатысты:

• Түсті металлургия жоғары колледжі

• Павлодар монтаж колледжі

• Жоғары мұнай-газ колледжі

• Ақсу қара металлургия колледжі

• Жаяу Мұса атындағы Ақсу колледжі

• Павлодар химия-механикалық колледжі

Екі күнге созылған жарыс барысында қатысушылар нақты өндірістік жағдайға барынша жақын ортада өз кәсіби шеберліктерін көрсетті. Чемпионат бағдарламасы үш модульден тұрды:

1. Бөлшектің үш проекциядағы сызбасын орындау;

2. Сорғыны орташа жөндеу;

3. Ысырманы жөндеу.

Жарыстың өндіріс орнында ұйымдастырылуы қатысушыларға өз дағдыларын көрсетуге ғана емес, нақты жабдықтармен жұмыс істеу арқылы бірегей тәжірибе жинақтауға мүмкіндік берді.

Павлодар мұнай-химия зауыты базасында өткен чемпионат техникалық және кәсіптік білім беру жүйесі мен өндіріс саласы арасындағы байланысты нығайтудың маңызды қадамы болды. Бұл өз кезегінде еңбек нарығында сұранысқа ие білікті мамандар даярлауға жаңа мүмкіндіктер ашады.

WorldSkills Pavlodar чемпионаты жастардың кәсіби шеберлігін дамытып, жұмысшы мамандықтарының беделін арттыруға бағытталған маңызды алаң болып қала береді.